جنوبی افریقی کھلاڑیوں نے و رلڈالیون میں شامل ہونےکااچھافیصلہ کیا:گریم اسمتھ

کیپ ٹاﺅن (ڈیلی پاکستان آ ن لائن) جنوبی افریقہ کے سابق کپتان اور مایہ نازاوپنر بلے باز گرائم اسمتھ نے کہا ہے کہ جنوبی افریقی کھلاڑیوں نے و رلڈالیون میں شامل ہونےکااچھافیصلہ کیا۔
تفصیلات کے مطابق سابق جنوبی افریقی کپتان گرائم اسمتھ نے اپنے ایک بیان میں کہا ہے کہ ورلڈ الیون کی ٹیم کو دورہ پاکستان خوش آئند ہے۔جنوبی افریقی کھلاڑیوں نے و رلڈالیون میں شامل ہونےکااچھافیصلہ کیا۔ پاکستانی شائقین اپنے ہیروزکوہوم گراونڈپرکھیلتے دیکھناچاہتے ہیں۔
دوسری جانب ورلڈ الیون کے کپتان فاف ڈوپلیسی نے پیغام میں کہا ہے کہ لاہور میں پاکستان اور ورلڈ الیون کے درمیان سیریز کا انتظار ہے۔پاکستان میں کرکٹ کی بحالی میں کردار اداکرنا اعزاز کی بات ہے۔جنوبی افریقہ کی انڈر 19ٹیم کیساتھ پاکستان کا دورہ کرچکا ہوں۔ امیدہے شائقین بڑی تعدادمیں میچزدیکھیں گے۔ورلڈالیون اور پاکستان کے درمیان یہ کوئی عام کرکٹ سیریز نہیں ہے۔
واضح رہے ورلڈ الیون کی ٹیم میں سب سے زیادہ 5کھلاڑی جنو بی افریقہ کی ٹیم سے ہیں جبکہ ورلڈ الیو ن کی کپتانی بھی جنوبی افریقی کپتان کر رہے ہیں۔