نوبیاہتا دولہا اپنی دلہن کے ہاتھوں لٹ گیا،ملزمہ بے ہوش کرکے جمع پونجی لے گئی 

پاکپتن (ڈیلی پاکستان آن لائن ) شادی مہنگی پڑگئی ، پنجاب کے ضلع پاکپتن میں نوبیاہتا دولہا اپنی دلہن کے ہاتھوں لٹ گیا۔
نجی ٹی وی دنیانیوز نے پولیس کے حوالے سے بتایا کہ یہ واقعہ گاوں 18 ایس پی کے میں پیش آیا جہاں دلہن نے دلہا اقبال کو دودھ پتی میں نشہ آور چیز پلا کر بے ہوش کیا اور پانچ تولے طلائی زیور، 2 لاکھ نقدی و دیگر قیمتی سامان سمیت فرار ہو گئی۔پولیس حکام کے مطابق اقبال کی شادی 22 اپریل کو ہوئی تھی ، دلہن سمیت 4 افراد کے خلاف مقدمہ درج کرلیا گیا، ملزمان کی تلاش جاری ہے۔