نواز شریف کی تقریر نشر کرنے پر پابندی لگادی گئی

نواز شریف کی تقریر نشر کرنے پر پابندی لگادی گئی
نواز شریف کی تقریر نشر کرنے پر پابندی لگادی گئی

  

اسلام آباد (ڈیلی پاکستان آن لائن) پاکستان الیکٹرانک میڈیا ریگولیٹری اتھارٹی (پیمرا) کی جانب سے سابق وزیر اعظم نواز شریف کی تقریر نشر کرنے پر پابندی عائد کردی گئی۔

پیمرا کی جانب سے ایک شہری محمد اظہر صدیق کی جانب سے دی گئی درخواست پر کارروائی کرتے ہوئے نواز شریف کی تقاریر نشرکرنے پر پابندی عائد کردی گئی ہے۔ خیال رہے کہ اظہر صدیق لاہور ہائیکورٹ کے مشہور وکیل ہیں جو مختلف سماجی و سیاسی ایشوز پر عدالتوں سے رجوع کرتے رہتے ہیں۔

پیمرا نے اپنے حکم میں کہا ہے کہ ایک اشتہاری ملزم کو ٹی وی چینلز پر کوریج دینا پیمرا ایکٹ 2007 کی خلاف ورزی ہے۔ یہ سپریم کورٹ کے 2018 میں سو موٹو کیس میں سنائے گئے فیصلے کی بھی خلاف ورزی ہے۔

پیمرا نے ٹی وی چینلز پر واضح کیا ہے کہ اگر کوئی بھی چینل آئندہ اشتہاری ملزم (نواز شریف) کی تقریر نشر کرے گا تو اس کے خلاف پیمرا آرڈیننس کے سیکشن 29 اور 30 کے تحت کارروائی کی جائے گی جس کا نتیجہ لائسنس کی معطلی کی صورت سامنے آسکتا ہے۔

مزید :

Breaking News -اہم خبریں -قومی -