اسلام آباد ایئر پورٹ پر لفٹ سے خاتون کی چیخوں کی آوازیں ، باہر آتے ہی نوجوان لڑکے کو پولیس نے گرفتار کر لیا ، کیا ہوا تھا ؟

اسلام آباد ایئر پورٹ پر لفٹ سے خاتون کی چیخوں کی آوازیں ، باہر آتے ہی نوجوان ...
اسلام آباد ایئر پورٹ پر لفٹ سے خاتون کی چیخوں کی آوازیں ، باہر آتے ہی نوجوان لڑکے کو پولیس نے گرفتار کر لیا ، کیا ہوا تھا ؟

  



اسلام آباد (ڈیلی پاکستان آن لائن )اسلام آباد ایئرپورٹ کی لفٹ میں ایک نوجوان کی جانب سے خاتون کو مبینہ طور پر نازیبا حرکات کا نشانہ بنایا گیا ہے۔

جنگ نیوز نے ذرائع کے حوالے سے کہاہے کہ لفٹ میں نوجوان کی جانب سے نازیبا حرکتوں پر خاتون نے لفٹ میں شور مچانا شروع کر دیا جبکہ لفٹ سے اترتے ہی نوجوان کو اے ایس ایف نے حراست میں لے لیا۔اسلام آباد ایئرپورٹ ذرائع کے مطابق خاتون کی جانب سے اسلام آباد ایئرپورٹ کے ڈیوٹی ٹرمینل منیجر کو شکایت کی گئی تھی۔ایئرپورٹ ذرائع کے مطابق خاتون نے الزام لگایا کہ نوجوان نے مجھے لفٹ میں ہراساں کیا ہے۔ایئرپورٹ ذرائع کا کہنا ہے کہ خاتون کی شکایت پر نوجوان کو پولیس کے حوالے کردیا گیا ہے۔

مزید : علاقائی /اسلام آباد