سابق وزیر اعظم کے گندم کے کھلیان کو نامعلوم افراد نے آگ لگا دی
جیکب آباد(آئی این پی) جیکب آباد میں سابق وزیر اعظم کے گندم کے کھلیان کو نامعلوم افراد نے آگ لگا دی، 5ہزار من گندم راکھ کے ڈھیر میں تبدیل ہو گئی۔
تفصیلات کے مطابق جیکب آباد کے گاؤں احمد میاں سومرو میں سابق نگران وزیر اعظم محمد میاں سومرو کے گندم کے کھلیان کو نامعلوم افراد نے آگ لگا دی جس کے باعث 5 ہزار من سے زائد گندم جل کر راکھ کے ڈھیر میں تبدیل ہوگئی۔ واقعہ کے بعد کھوسہ قبیلے کی معزز شخصیت میر صابر خان کھوسہ نے جائے وقوع پر پہنچ کر تفصیلات لیں، بتایا جارہا ہے کہ نامعلوم افراد نے گندم کے کھلیان کو آگ لگا دی اور اندھیرے کا فائدہ اٹھاتے ہوئے فرار ہوگئے۔نقصان کی مالیت کروڑوں روپے بتائی جارہی ہے، تاہم آخری اطلاعات تک واقعے کا مقدمہ درج نہیں ہوسکا تھا۔
