کب ریٹائر ہوں گا پتا نہیں ،انفرادی ریکارڈز کو اہمیت نہیں دیتا : رونالڈو

ریاض ( ڈیلی پاکستان آن لائن ) پرتگال کے شہرہ آفاق فٹ بالر کرسٹیانو رونالڈو نے کہا ہے کہ انفرادی ریکارڈز کو زیادہ اہمیت نہیں دیتا، اپنی تمام توجہ النصر کی جیت اور ساتھی کھلاڑیوں کی مدد پر مرکوز ہے۔
رونالڈو نے میچ کے بعد بات کرتے ہوئے کہا کہ کھلاڑی کے لئے گول کرنا اچھا ہے، لیکن میرے لئے ٹیم کا جیتنا بہتر ہے، میں ریکارڈ توڑنے کا عادی ہوں لیکن اب میں ریکارڈز کی طرف نہیں جاتا، الریان کے خلاف میچ میں میرا مقصد مختلف اور اہم تھا، میرے والد اگر زندہ ہوتے تو اس سے خوش ہوتے کیونکہ ان کی سالگرہ کا دن تھا۔
شہرہ آفاق فٹبالر نے کہا کہ مجھے نہیں معلوم کہ کب ریٹائر ہوں گا لیکن جب بھی ہوا شاید النصر سے ہی ہوجاوں۔