انجو کو پلاٹ کے بعد مزید تحائف مل گئے
دیر (ویب ڈیسک) بھارتی ریاست راجستھان سے ضلع دیر آکر نصر اللہ سے شادی کرنے والی انجو (اسلامی نام فاطمہ) کو پلاٹ کے بعد مزید تحائف بھی مل گئے۔
آج نیوز کے مطابق حال ہی میں پاک سٹار گروپ آف کمپنیز کے سی ای او محسن خان عباسی نے انجو اور نصر اللہ کو 10 مرلہ پلاٹ اور 50 ہزارروپے بطور تحفہ دیے تھے۔ اس کے بعد ایک اور ویڈیو سامنے آئی جس میں ایک اور کمپنی نواب ہاؤسنگ ایسوسی ایٹ پشاور کے طفیل خان نے دس مرلے کا پلاٹ اور میاں بیوی کے لیے عمرہ پیکج کا تحفہ دیا۔
طفیل خان نے انجو اور نصر اللہ کو دیر میں گھر بنانے میں مدد فراہم کرنے اور روزمرہ اخراجات کیلئے مالی معاونت کی بھی یقین دہانی کروائی تھی۔ تازہ ترین تحفہ وفاقی دارالحکومت سے تعلق رکھنے والے ایک بزنس مین کی جانب سے ہے۔
Anju received another check and shield from Islamabad based business marketing group... #anjunasrullah #anjuinpakistan #SeemaHaider #SeemaSachin #anju #nasrullah pic.twitter.com/gvZjiT4Rqz
— Dileep kumar khatri???? (@DileepKumarPak) August 3, 2023
صحافی دلیپ کمار کھتری نے سماجی رابطوں کی ویب سائٹ ٹوئٹر پراپنی ٹویٹ تصاویر شیئرکیں جن کے کیپشن کے مطاق انجو اور نصراللہ کو اسلام آباد کے مقامی بزنس مین کی جانب سے چیک اور شیلڈ دی جارہی ہے تاہم ٹویٹ میں یہ واضح نہیں کہ اس جوڑے کو دیا جانے والا چیک کتنی مالیت کا ہے۔
صحافی نے اگلی ٹویٹ میں لکھا، ’انجو اس وقت اسلام آباد میں گھوم رہی ہیں۔ انجو خوش نظر آتی ہیں لیکن نصراللہ اور انجو مجھے لائیو انٹرویو کیوں نہیں دے سکتے، اگر مجھے موقع ملا تو میں یقینی طور پر بہت سارے سوالات کے ساتھ تمام پنڈورا باکس کھول دوں گا‘۔
Anju is currently roaming in Islamabad..
— Dileep kumar khatri???? (@DileepKumarPak) August 2, 2023
Anju look happy but why Nasrullah and Anju can't gave me a live interview, if I get a chance, i ll surely open all the pandora box with a lot of question..#AnjuinPakistan #Anjunasrullah #fatima #nasrullah #SeemaHaider pic.twitter.com/fY9zOiSVLg
اس ٹویٹ کے ساتھ شیئرکی جانے والی ٹک ٹاک ویڈیوزمیں انجو کو کسی خاتون کے ساتھ خوش گپیوں میں مصروف دیکھا جاسکتا ہے۔
