انڈر 19ایشا کپ، پاکستان نے یو اے ای کو شکست دے دی
دبئی(این این آئی) انٹرنیشنل کرکٹ اسٹیڈیم دبئی میں جاری انڈر 19ایشا کپ کے میچ پاکستان نے یو اے ای کو69رنز سے شکست دے دی، یو اے ای کی ٹیم نے ٹاس جیت کر پاکستان ٹیم کو بیٹنگ کی دعوت دی۔پاکستان ٹیم نے شاندار کھیل پیش کرتے ہوئے مقررہ پچاس اوورز میں تین وکٹوں کے نقصان پر 314رنز بنائے۔شاہ زیب خان نے 132اور محمد ریاض اللہ نے 106رنز کی اننگز کھیلیں۔ یو اے کی جانب سے نور اللہ ایوبی نے دو وکٹیں حاصل کیں۔ یواے کی ٹیم مطلوبہ ہدف حاصل کرنے میں ناکام رہی اور آٹھ وکٹوں کے نقصان پر 245رنز بنا سکی۔
یو اے کی جانب سے ایتھن ڈیسوز84 رنز بنا کر نمایاں رہے۔پاکستان کی جانب سے عبدالسبحان نیشاندار بالنگ کرتے ہوئے چھ وکٹیں حاصل کیں۔ عبد السبحان کو مین آف دی میچ کا ایوارڈ دیا گیا بہترین کھلاڑی کا ایوارڈ ملنے پر بھرپور خوشی کا اظہار کرتے ہوئے اگلے میچوں میں بھی عبدالسبحان نے عمدہ کھیل پیش کرنے کا اعاد ہ کیا۔
