عمران خان کے خلاف ریفرنس سپیکر کو بھجوا دیا گیا: ایاز صادق

عمران خان کے خلاف ریفرنس سپیکر کو بھجوا دیا گیا: ایاز صادق
عمران خان کے خلاف ریفرنس سپیکر کو بھجوا دیا گیا: ایاز صادق

  

اسلام آباد ( ڈیلی پاکستان آن لائن ) مسلم لیگ (ن) کے رہنما سردار ایاز صادق نے کہا کہ عمران خان کے خلاف ریفرنس سپیکر کو بھجوا دیا گیا  ہے ، ریفرنس توشہ خانہ سے متعلق بھجوایا گیا،سپیکر 30 دن میں ریفرنس کا فیصلہ کریں گے ۔

خواجہ سعد رفیق کے ہمراہ لاہور میں پریس کانفرنس کرتے ہوئے سردار ایاز صادق نے کہا کہ  عمران خان نے کرسی کے شوق میں عدم اعتماد کو تاخیر کا شکار کیا ،اسی کرسی کی ہوس میں کہا کہ میں نہ رہا تو فوج تباہ ہو جائے گی ،  عمران خان نے پھر سپہ سالار کو بھی نشانہ بنایا ۔

سردار ایاز صادق نے کہا کہ   انہوں نے چین اور سعودی عرب سے تعلقات خراب کیے، اب ان ممالک سے تعلقات بہتر ہورہے ہیں،  یہ پاکستان سے مخلص ہوتے تو گیس جیسے ایگریمنٹ کیے ہوتے، عمران خان نے توشہ خانہ کا مکمل صفایا کر دیا ہے۔

 اس موقع پر خواجہ سعد رفیق نے کہا کہ عمران خان احسان فراموش انسان ہیں ،  یہ آج کل ان لوگوں کو گالیاں دے رہے ہیں جنہوں نےانہیں سہارا دیا ،  عمران خان کو پاکستان پر مسلط کرنے کا منصوبہ دہائیوں پہلے بنا تھا، قوم آج جو کچھ بھگت رہی ہے وہ عمران خان کی نالائقیوں کی وجہ سے ہے،سابق حکومت نے ریلوے کا خسارہ بڑھا دیا،ریلوے میں45 ارب کا سالانہ خسارہ چھوڑ کر گیا ،پی ٹی آئی کے سیاسی مسخروں نے اداروں کو تباہ کر دیا،یہ مارشل ڈکٹیٹر شپ سے بھی بد تر ہے۔ 22کروڑ کا ملک ایک غیر متوازن کی خواہشات کا غلام نہیں ہوسکتا، آج جنہیں یہ گالیاں دیتا ہے وہ اس کے محسن ہیں۔

سعد رفیق نے کہا کہ جو آدمی دوسروں کو چور کہتا ہے وہ خود چور ہوتا ہے ، اس شخص نے ہمیشہ آئین کا ساتھ کھلواڑ کیا ، 90دن کیلئے تونگران کے ساتھ کسی نے بات نہیں کرنی تھی، پھر پاکستان کا کیا بنتا، سیاست بچ جانی تھی ریاست نہ بچتی، سی پیک ہم لائے تھے کیوں تم نے رول بیک کیا؟ ، تمہارے حامی تو ہر جگہ موجود ہیں ،بنا لیتے نا جوڈیشل کمیشن، پنجاب کے ساتھ تم نے کیا کیا؟، تم کس کے ذریعے بڑے صوبے کو چلا رہے تھے۔

وزیر ریلوے کا مزید کہنا تھا کہ جھوٹ کی بنیاد پر مقدمات بنے، جن کےعدالتوں نے فیصلے نہیں دیے، اس شخص نے ہمیشہ آئین کےساتھ کھلواڑ کیا ، عمران خان کے پیچھے غیر ملکی فنڈنگ ہے۔

مزید :

اہم خبریں -قومی -