حکومت سندھ اسمبلی میں نہیں بلکہ سیکرٹریٹ میں ہے ،وہاں دھرنا دیں ،آغا سراج درانی نے جماعت اسلامی کونئی راہ دکھا دی 

کراچی ( ڈیلی پاکستان آن لائن ) جماعت اسلامی کے سندھ اسمبلی کے باہر دھرنے پر سپیکر سندھ اسمبلی آغا سراج درانی نے کہا کہ حکومت سندھ اسمبلی میں نہیں بلکہ سیکرٹریٹ میں ہے ، جماعت اسلامی کو وہاں جا کر دھرنا دینا چاہئے ۔
اپنے بیان میں آغا سراج درانی نے کہا کہ جماعت اسلامی کے دھرنے سے ایوان کا تقدس پامال ہو رہا ہے ، یہ وہ اسمبلی ہے جہاں قائد اعظم نے پہلے گورنر جنرل کا حلف اٹھایا تھا ، اسی اسمبلی نے قرار داد پاکستان پاس کی تھی ، اس میں پہلے وزیر اعظم لیاقت علی خان بیٹھے تھے ، اسمبلی میں جس کے پاس اکثریت ہوتی ہے وہی جماعت قانون بناتی ہے ، قانون کو سپیکر اور اسمبلی نہیں بلکہ ہاﺅس پاس کرتا ہے ، جماعت اسلامی کو سندھ سیکرٹریٹ جانا چاہئے اور دھرنا دینا چاہئے ، صوبائی حکومت وہاں ہے ۔