پی ٹی آئی قیادت کا فواد چوہدری سے رابطہ، درخواست کردی

اسلام آباد(ویب ڈیسک)پاکستان تحریکِ انصاف (پی ٹی آئی) کے رہنماؤں نے فواد چوہدری سے رابطے کیے ہیں، وزیرِ اعلیٰ خیبر پختون خوا علی امین گنڈا پور نے فواد چوہدری سے پارٹی پر تنقید نہ کرنے کی درخواست کی ہے۔

روزنامہ جنگ کے ذرائع کے مطابق علی امین گنڈا پور اور اسد قیصر نے فواد چوہدری سے رابطہ کیا ہے۔کے پی کے وزیرِ اعلیٰ علی امین گنڈاپور نے فواد چوہدری سے غلط فہمیاں دور کرنے کا بھی کہا ہے۔

رہنما پی ٹی آئی اسد قیصر نے فواد چوہدری سے رابطے کی تصدیق کرتے ہوئے کہا ہے کہ میں نے فواد چوہدری اور تمام رہنماؤں کو پیغام دیا ہے کہ وقتی طور پر خاموش رہیں۔اسد قیصر کا یہ بھی کہنا ہے کہ پارٹی چھوڑنے والے سب رہنماؤں کو یہی کہا ہے کہ وہ تنقید نہ کریں۔