سنی اتحاد کونسل کل کتنی مخصوص نشستوں سے محروم ہوئی؟ جانیے
اسلام آباد (ڈیلی پاکستان آن لائن) سنی اتحاد کونسل قومی اور صوبائی اسمبلیوں میں کتنی مخصوص نشستوں سے محروم ہوئی؟ تفصیل سامنے آگئیں۔
الیکشن کمیشن آف پاکستان کی جانب سے مخصوص نشستوں کے معاملے پر سنی اتحاد کونسل کی درخواست مسترد ہونے کے بعد یہ جماعت قومی اور صوبائی اسمبلیوں میں مجموعی طور پر 77 نشستوں سے محروم ہوئی ہے۔
سنی اتحاد کونسل قومی اسمبلی میں 23 مخصوص نشستوں سے محروم ہوگئی۔ یہ قومی اسمبلی میں خواتین کی 20 جبکہ اقلیتوں کی 3 مخصوص نشستوں سے محروم ہوئی۔قومی اسمبلی میں سنی اتحاد کونسل پنجاب سے خواتین کی 12 اور خیبر پختونخوا سے 8 نشستوں سے محروم ہوئی۔صوبائی اسمبلیوں کی بات کی جائے تو خیبر پختونخوا اسمبلی میں سنی اتحاد کونسل کو خواتین کی 21 مخصوص نشستیں نہیں مل سکیں گی۔اسی طرح یہ جماعت خیبر پختونخوا اسمبلی میں اقلیتوں کی 4 نشستیں بھی حاصل نہیں کرپائے گی۔ سنی اتحاد کونسل پنجاب میں خواتین کی 24 نشستوں اور اقلیتوں کی 3 نشستوں سے محروم ہوگئی۔سندھ اسمبلی میں سنی اتحاد کونسل خواتین کی 2 مخصوص نشستوں سے محروم ہوگئی۔
