دریائے چترال میں دولڑکیوں نے مبینہ خودکشی کرلی
چترال (آئی این پی ) اپرچترال کے علاقہ تریچ میں 2 سہیلیوں نے مبینہ طور پر دریا چترال میں چھلانگ لگا کرخودکشی کرلی۔ مقامی پولیس کے مطابق لڑکیوں کی خود کشی کی وجہ فی الحال معلوم نہ ہوسکی اور مقامی پولیس نے تفتیش کا آغاز کردیا ہے۔ ایک لڑکی کی عمر 19 برس اور دوسری کی عمر 20 برس بتائی گئی ہے۔ ایک لڑکی کی لاش دریا سے نکال لی گئی ہے اور دوسری لڑکی کی لاش کی تلاش جاری ہے۔ چترال کے علاقے سنوغرمیں دوروز قبل ایک اٹھائیس سالہ نوجوان نے بھی چاقو سے وار کرکے خود کشی کی تھی۔
