کراچی سے لاہور جانیوالے نجی ایئرلائن کے طیارے میں فنی خرابی ، واپس رن وے پر اتار لیا گیا
کراچی(ڈیلی پاکستان آن لائن) کراچی سے لاہور جانے والے نجی ایئرلائن کے طیارے کو فنی خرابی کے باعث واپس رن وے پر اتار لیا گیا۔
نجی ٹی وی چینل دنیا نیوز کے مطابق کراچی سے لاہور جانے والے نجی ایئر لائن کے طیارے میں فنی خرابی ہو گئی، طیارہ اڑان بھرنے کیلئے ٹیک آف پوائنٹ پہنچا تو انجن میں خرابی پیدا ہو گئی،کپتان نے طیارے کو واپس رن وے پر اتار لیا اور مسافروں کو لاؤنچ منتقل کر دیاگیا،جس پر مسافروں نے احتجاج کیا۔
یادرہے کہ پرواز نے اتوار کی رات کو لاہور کیلئے روانہ ہونا تھا۔
