بھارتی ریاست اتراکھنڈ میں بس حادثہ، 36 افراد ہلاک

نئی دہلی (ڈیلی پاکستان آن لائن )بھارتی ریاست اتراکھنڈ میں بس حادثے میں 36 افراد ہلاک ہوگئے۔
بھارتی میڈیا کے مطابق اتراکھنڈ کے الموڑہ ضلع میں بس حادثے میں مرنے والوں کی تعداد بڑھ کر 36 ہو گئی ہے۔ مسافر بس میں 45 افراد سوار تھے۔
مقامی حکام کے مطابق 45 نشستوں والی مسافر بس آج صبح مارچولا کے مقام پر 200 میٹر گہری کھائی میں گر گئی، بس گڑھوال کے پوڑی سے کماو¿ن کے رام نگر جا رہی تھی۔ حادثہ رام پور سے تقریباً 35 کلومیٹر دور پیش آیا۔
بھارتی میڈیا کے مطابق حادثہ صبح پیش آیا۔ قریبی دیہات کے مکینوں نے سب سے پہلے امدادی کارروائی کی اور مسافروں کو ہسپتال پہنچانا شروع کیا۔ حادثے میں متعدد مسافر موقع پر ہی دم توڑ گئے تھے جبکہ 9 زخمیوں نے ہسپتال میں دم توڑ دیا۔