کھیل کے میدان سے پاکستان کیلئے اچھی خبر، محمد آصف ورلڈ سنوکر چیمپئن بن گئے

دوحہ(ڈیلی پاکستان آن لائن)کھیل کے میدان سے پاکستان کے لیے اچھی خبر آگئی، قطر کے شہر دوحہ میں جاری ورلڈ اسنوکر چیمپئن شپ پاکستان نے اپنے نام کرلی۔

پاکستانی کیوئسٹ محمد آصف تیسری بار ورلڈ اسنوکر چیمپئن بن گئے، محمد آصف نے فائنل میں ایرانی کیوئسٹ کو شکست دی۔بیسٹ آف نائن پر مشتمل فریمز کے فائنل میں محمد آصف نے ایرانی کیوئسٹ کے خلاف 5-3 سے فتح سمیٹی۔

اس سے قبل محمد آصف 2012 اور 2019 میں بھی ورلڈ سنوکر چیمپئن شپ جیت چکے ہیں۔