ڈونلڈ ٹرمپ کی جیت پر مریم نواز کا بیان

لاہور(ڈیلی پاکستان آن لائن)وزیراعلیٰ پنجاب مریم نواز نے کہا ہے کہ ڈونلڈ ٹرمپ کی جیت سے پاک امریکہ تعلقات میں بہتری متوقع ہے۔لاہور سے جاری بیان میں مریم نواز نے امریکی صدراتی انتخابات میں کامیابی پر ڈونلڈ ٹرمپ کو مبارک باد پیش کی۔

ان کاکہنا تھا کہ ڈونلڈ ٹرمپ کی جیت سے پاک امریکہ تعلقات میں بہتر ی کی توقع ہے۔امریکی صدارتی انتخابات میں ڈونلڈ ٹرمپ کامیاب ہوگئے ہیں، وہ امریکہ کے 47ویں صدر ہیں اور اس عہدے پر دوسری مرتبہ فائز ہو رہے ہیں۔امریکی صدارتی انتخاب میں 538 میں سے ریپبلکن امیدوار ڈونلڈ ٹرمپ نے 277 اور ڈیموکریٹ امیدوار کملا ہیرس نے 226 الیکٹورل ووٹ حاصل کیے ہیں۔