انڈیا کے ساتھ زرعی و تجارتی تعلقات ختم کیے جائیں‘ چودھری محمد انور

ملتان( سپیشل رپورٹر) پاکستان کسان اتحاد مرکزی چیئرمین چوہدری محمد انور نے پریس کانفرنس کرتے ہوئے کہا ہے کہ حالات کے تناظر میں پاکستان کسان اتحاد موجودہ حکومت(بقیہ نمبر37صفحہ7پر )
اور فوج کیساتھ شانہ بشانہ کھڑا ہے پاکستان کسان اتحادکاملکی سلامتی کے پیش نظر موجودہ حکومت کی خارجہ پالیسی سے کوئی اختلاف نہیں ہے، انڈیا نے کسی قسم کی جارحیت کی تو پاکستان کے لاکھوں کسان اپنی جانوں کا نذرانہ پیش کرنے کے لئے پاک فوج کے ساتھ شانہ بشانہ کھڑے ہوں گے ،انہوں نے کہا کہ انڈیا پاکستان کے خلاف ہر محاذ پر سازشیں کررہا ہے ،جواب میں حکومت پاکستان کو چاہیے کہ وہ انڈیا کے ساتھ زراعت سمیت ہرقسم کے تجارتی روابط منقطع کرے۔پاکستان کسان اتحاد پاک فوج کے ساتھ اظہار یکجتہی کے لئے 15اکتوبر بروز ہفتہ کو ریلی نکالے گا،جو پاکستان کسان اتحاد کے مرکزی آفس سے شروع ہوگی اور چوک کچہری پر اختتام پذیر ہوگی۔پریس کانفرنس میں ملک محمد رمضان جھیڈا،چوہدری محمد سرور ،ملک جہان خان ،مہر ارشاد حسین مرالی ،محمد عباس کلیار ،محمد رمضان ،چوہدری تنویر احمد ،ملک فیصل جھیڈ ا،چوہدری نذیر احمد اور دیگر بھی موجود تھے۔