سندھ کا عجیب توہم پرست گاؤں جہاں کرسی اور چارپائی پر بیٹھنے کی اجازت نہیں

سجاول (ویب ڈیسک) سندھ کے ایک گاؤں میں عجیب توہم پرستی کے ریکارڈ ٹوٹ گئے، 50 سال سے گاؤں میں کوئی کرسی پر بیٹھا نہ چارپائی پر،گائوں کے مکینوں کا کہنا ہے کہ کرسی پر بیٹھیں گے، نہ چارپائی پر سوئیں گے، اگر ہم نے ایسا کیا تو موت آ جائے گی۔

آج نیوز کے مطابق ضلع سجاول کا گاؤں شاہ نصر توہم پرستی کی مثال بن گیا ، پورے گاؤں میں کوئی کرسی ہے اور نہ چارپائی موجود ہے۔مکینوں کا کہنا ہے کہ 50 سال سے بچہ ہو یا بڑا سب ہی زمین پر بیٹھتے اور سوتے ہیں ، کہتے ہیں کسی بزرگ نے خواب میں آکر ہمیں کرسی اور چارپائی کے استعمال سے روک دیا تھا۔

گاؤں شاہ نصر کے مکین پھر خواب میں پھر اسی بزرگ کے آنے کا انتظار کر رہے ہیں ، شاید وہ اپنا حکم بدل دیں اوراب انھیں کرسی اور چارپائی استعمال کرنے کی اجازت مل جائے۔