ایک اور مغوی قتل، ڈاکوؤں نے لاش واپس دینے کیلئے بھی تاوان مانگ لیا
کشمور (ویب ڈیسک) کندھ کوٹ میں کچے کے ڈاکوؤں نے ایک اور مغوی کو بے دردی سے قتل کردیا جب کہ لاش دینے کے لیے بھی تاوان طلب کرلیا۔
آج نیوز کے مطابق ڈاکوؤں نے مغوی کی بازیابی کے لیے پچاس لاکھ روپے ورثاء سے مانگے تھے۔اہل خانہ کا کہنا ہے کہ تاوان نہ دینے کی صورت میں مغوی لیاقت شیخ کو قتل کرکے اس کی ویڈیو اور تصویر سوشل میڈیا پر پوسٹ کی گئی ہیں۔
اہل خانہ کو خبر ملی تو قیامت برپا ہوگئی اور پوری فیملی غم سے نڈھال ہوگئی۔