"فلموں میں زیادہ کام کرنے کی وجہ سےذہنی دباؤ کا شکارہو گیا "،ورون دھون
ممبئی(ڈیلی پاکستان آن لائن)بالی ووڈسٹار اداکار ورون دھون کا کہنا ہے کہ" فلموں میں کام کے دباؤ نے انہیں ذہنی دباؤ کا شکار کردیا ہے اور وہ ایک مہلک اعصابی بیماری کا شکار ہوگئے ہیں"۔
"انڈیا ٹائمز "کے مطابق بالی ووڈ اداکارہ ورون دھون نے اپنے انٹرویو میں انکشاف کیاتھا کہ" پچھلی فلم میں زیادہ کام کرنے کی وجہ سے انہیں "ویسٹیبولر ہائپو فنکشن" نامی بیماری لاحق ہوگئی، جس نے انہیں بہت زیادہ ذہنی دباؤ میں ڈال دیا ہے"۔ورون دھون نے بتایا کہ "کورونا وبا ءکے بعد وہ اپنی فلموں کے حوالے سے بہت زیادہ ذہنی دباؤ محسوس کرنے لگے ہیں".اداکار نے بتایا کہ" انہوں نے اپنی پچھلی فلم "جگ جگ جیو "ے لیے بہت محنت کی،ایسا لگا جیسے میں الیکشن لڑ رہا ہوں، مجھے نہیں معلوم کہ میں نے فلم کے لیے اتنا دباؤ کیوں لیا"۔ورون دھون نے کہا کہ" ہم سب ایک دوڑ میں لگے ہیں، میرے خیال میں ہر ایک کی زندگی کا کوئی نہ کوئی مقصد ہوتا ہےاور یہی وجہ ہے کہ ہم محنت کر رہے ہیں۔ میں اپنی زندگی کا مقصد تلاش کر رہا ہوں اور مجھے امید ہے کہ دوسروں کو بھی کسی نہ کسی موقع پر اپنا مقصد مل جائے گا"۔
اپنی حالیہ ٹوئٹ میں ورون دھون نے مداحوں کی جانب سے ملنے والے پیار پر شکریہ ادا کرتے ہوئے انہیں آگاہ کیا کہ "اب ان کی طبعیت بہتر ہے جسمانی ورزش کر رہے ہیں اور مختلف سرگرمیوں میں حصہ لے رہے ہیں جسکی وجہ سے اب صحت یاب ہورہے ہیں"۔
To everyone who has been concerned I would like to share I am doing much better with the help of yoga, swimming, physio and a change in lifestyle. Getting sun is the most important. Above all the blessings of Bhagwan. ????????????
— VarunDhawan (@Varun_dvn) November 7, 2022
واضح رہے کہ "ویسٹیبولر ہائپو فنکشن" ایک قسم کی خرابی ہے جو کان کے اندرونی حصے میں ہوتی ہے۔ دراصل انسانی جسم میں ایک اعصابی نظام کانوں، آنکھوں اور پٹھوں کا توازن برقرار رکھتا ہے۔ اگر کسی کو یہ عارضہ لاحق ہو جائے تو مریض کے دماغ تک پیغام پہنچانے میں دشواری ہوتی ہے، اس سے دماغی صحت بھی متاثر ہوتی ہے۔
یاد رہے کہ 25 نومبر کو ورون دھون اور کریتی سینن کی کامیڈی ہارر فلم "بھیڑیا " ریلیز ہونے والی ہے اس فلم میں انہیں بھیڑیے جیسی خصوصیات رکھنے والا مافوق الفطرت انسان دکھایا گیا ہے۔
