دبئی سپورٹس کونسل میں عرب کلاسک دبئی-2024 بیس بال ٹورنامنٹ کی افتتاحی تقریب
دبئی (طاہر منیر طاہر) دبئی سپورٹس کونسل میں عرب کلاسک دبئی-2024 بیس بال ٹورنامنٹ کی افتتاحی تقریب منعقد ہوئی جس میں قونصلیٹ جنرل آف پاکستان کے قونصل جنرل حسین محمد نے خصوصی طور پر شرکت کی- بیس بال ٹورنامنٹ میں بیس بال یونائیٹڈ کے چیئرمین اور سی ای او، کاش شیخ، قابل ذکر شراکت داروں اور لیجنڈری بیس بال کھلاڑیوں کے ساتھ شامل ہوئے جو اس کھیل میں خطے کی بڑھتی ہوئی دلچسپی کے لیے ایک سنگ میل ہے۔عرب کلاسک دبئی میں پاکستان کی بیس بال ٹیم اور دیگر آٹھ ممالک نے شرکت کی-قونصل جنرل حسین محمد نے کہا کہ یہ انتہائی خوشی کی بات ہے کہ پاکستان مشرق وسطیٰ میں بیس بال کے فروغ کا حصہ ہے۔ انہوں نے مزید کہا کہ یہ تقریب عوام سے عوام کے روابط کو مضبوط بنانے میں بھی اہم کردار ادا کرے گی۔
