اقتدار بچانے کیلئے ہو سکتا ہے حکومت آج پھر سرپرائز کی کوشش کرے ، مرتضیٰ جاوید عباسی
اسلام آباد ( ڈیلی پاکستان آن لائن ) قومی اسمبلی کے اجلاس میں شرکت کیلئے ارکان پارلیمنٹ کی آمد کا سلسلہ جاری ہے ، مسلم لیگ (ن) کے رہنما مرتضیٰ جاوید عباسی نے کہا کہ ہو سکتا ہے اقتدار بچانے کیلئے حکومت آج پھر کسی سرپرائز کی کوشش کرے ۔
نجی ٹی وی ہم نیوز کے مطابق مرتضیٰ جاوید عباسی نے کہا کہ اگر آج سپریم کورٹ نے ووٹنگ کا حکم دیا ہے ، اگر آج دوبارہ آئین شکنی کی گئی تو پھر عدالت جائیں گے ۔
خالد مگسی نے کہا کہ نیوٹرل کی طرح رجیم کا لفظ بھی گڑ بڑ کر دیا گیا ہے ، ہمیں انہیں لوگوں کے ساتھ سیاست کرنی ہے ۔
خیال رہے کہ عدالتی حکم پر قومی اسمبلی کا اجلاس آج ہو رہا ہے جہاں وزیر اعظم کے خلاف تحریک عدم اعتماد پر ووٹنگ 6 نکاتی ایجنڈے کا حصہ ہے ۔