9 مئی اور 18 مارچ کے واقعات پی ٹی آئی کو ٹریپ کرنے کی سازش تھے: عمر ایوب

اسلام آباد (ڈیلی پاکستان آن لائن )تحریک انصاف کے رہنما اور اپوزیشن لیڈر عمر ایوب نے کہا ہے کہ 9 مئی اور 18 مارچ کے واقعات پی ٹی آئی کو ٹریپ کرنے کی سازش تھے۔
برطانوی نشریاتی ادارے کو انٹرویو دیتے ہوئے عمر ایوب نے دعویٰ کیا کہ جب ان واقعات کی سی سی ٹی وی ویڈیوز سامنے آئیں گی تو دودھ کا دودھ اور پانی کا پانی ہوگا، 9 مئی اور 18 مارچ کے واقعات پی ٹی آئی کو ٹریپ کرنے کی سازش تھے۔انہوں نے کہا کہ حکمران جماعتوں سے مذاکرات کا مینڈیٹ محمود خان اچکزئی کو دیاگیا ہے، وہ کسی سے بھی مذاکرات کر سکتے ہیں لیکن ابھی کسی سے بھی کوئی بات نہیں ہوئی ہے۔عمر ایوب نے مزید کہا کہ بیوروکریٹس کہتے تھے بنگلادیش ماڈل ہونا چاہئے اب دیکھ لیں بنگلادیش ماڈل میں کیا ہوا۔