سکھر میں مگرمچھ کا نہرکنارےکپڑے دھونے والی خاتون پر خوفناک حملہ
سکھر (ڈیلی پاکستان آن لائن) نارا کینال آرڈی 115 میں کپڑے دھونے والی خاتون پر مگرمچھ نے حملہ کردیا ،جس کے نتیجے میں خاتون شدید زخمی ہوگئی۔
سکھر پولیس کا کہنا ہے کپڑے دھونے والی خاتون کو مگرمچھ اپنے جبڑے میں دبا کر پانی میں گھسیٹ کرلےگیا تھا۔قریب موجود خاتون کے شوہر نے فوری نارا کینال میں چھلانگ لگا کرمگرمچھ سے بیوی کو چھڑوا لیا۔
ایکسپریس نیوز کے مطابق پولیس کا کہنا ہے مگرمچھ نے خاتون کی ٹانگ کو بُری طرح چبا ڈالا ، متاثرہ خاتون کو طبی امداد کی فراہمی کے لیے ہسپتال منتقل کردیا گیا۔
