ڈالر، پٹرولیم مصنوعات میں ا ضافہ سے بلڈ نگ،میٹریل مہنگا: گھر بنانے کی لاگت بڑھ گئی

اسلام آباد(آن لائن)ڈالر،پٹرولیم مصنوعات کی قیمتوں میں بے پناہ اضافہ کے باعث اوپن مارکیٹ میں بلڈنگ مٹیریل کی قیمتوں میں بھی ریکارڈ اضافہ ہوگیا ہے جس سے سرکاری پراجیکٹس سمیت عام گھروں کا تخمینہ لاگت بھی بڑھ گیا ہے۔ تفصیلات کے مطابق مارکیٹ میں اینٹ نارمل کم کوالٹی کی10ہزار روپے فی1ہزار جبکہ اچھی اینٹ 11 سے 12 ہزار روپے فی 1 ہزار، سریا 1 لاکھ 5 ہزار روپے ٹن، بجری 6ہزار روپے ٹرالی،ریت نارمل 2400 روپے ٹرالی ریت اچھی 2700 روپے ٹرالی فروخت ہونے لگی ہے سیمنٹ کی قیمت550روپے بیگ ہے۔ اس میٹریل کی قیمتوں میں اضافہ سے پانچ مرلہ کے گھروں کا تخمینہ لاگت 3 لاکھ روپے تک بڑھ گیا ہے، بجٹ کے بعدان قیمتوں میں مذید اضافہ کا بھی خدہ ظاہر کیا جارہا ہے۔ اینٹوں کے بھٹوں، سریا فیکٹریز،ریت بجلی کنٹریکٹروں نے اعلان کیا ہے کے اس میٹریل کی نئی قیمتوں کا اعلان وفاقی بجٹ کے بعد کیا جائے گا،نئے ٹیکسوں کے نفاذ کی صورت میں ان قیمتوں میں 15سے20فیصد اضافہ کا خدشہ ظاہر کیا گیا ہے۔