خیبرپختونخوا ,صرف1 ماہ میں جنگلات میں آگ لگنے کے 402 واقعات، تحقیقات شروع
پشاور (مانیٹرنگ ڈیسک) خیبرپختونخوا میں1 ماہ کے دوران جنگلات میں آگ لگنے کے 402 واقعات رپورٹ ہوئے۔محکمہ ریلیف کی جانب سے جاری کردہ رپورٹ کے مطابق ماہ مئی میں 313 اور جون میں 89 مقامات پر جنگلات میں آگ لگی، جنگلات میں آگ لگنے کے سب سے زیادہ 129 واقعات ایبٹ آباد میں رپورٹ ہوئے ہیں۔رپورٹ کے مطابق اسی طرح مانسہرہ 55، لکی مروت 29، ڈی آئی خان 39 اور سوات میں 24 مقامات پر جنگلات میں آگ لگی، جنگلات میں آگ لگنے کے وجوہات کا پتہ لگانے کی تحقیقات جاری ہیں۔
