دنیا میں 3 کروڑ 70 لاکھ بچے تمباکو نوشی کے مرتکب!
عالمی ادارہئ صحت (ڈبلیو ایچ او) نے انکشاف کیا ہے کہ دنیا بھر میں 13 سے 15 سال کی عمر کے 3 کروڑ 70 لاکھ بچے تمباکو استعمال کررہے ہیں۔ڈبلیو ایچ او کا کہنا ہے کہ تمباکو انڈسٹری بچوں کو نکوٹین کاعادی بنانے کے لئے پھلوں کے ذائقے استعمال کر رہی ہے۔عالمی ادارہئ صحت نے الیکٹرانک سگریٹس پر پابندی لگانے کا مطالبہ کرتے ہوئے کہا کہ 16 ہزار ذائقوں میں الیکٹرانک سگریٹ فروخت کیے جا رہے ہیں، بچوں کو تمباکو کا عادی بنانے سے روکنے کے لیے سخت ترین قوانین بنائے جائیں۔ڈبلیو ایچ او نے مزید کہا کہ تمباکو انڈسٹری کی دھوکہ دہی کی مہمات سے متعلق بچوں کو آگاہی دی جائے۔
