نعیم بخاری کے دلائل میں وزن نہیں،پھ رکورٹ میں‘‘ پانی وچ مدھانی ‘‘بھیری گئی :مسلم لیگ (ن)

اسلام آبا د(آن لائن)مسلم لیگ (ن)کے رہنمادانیال عزیز نے کہا ہے کہ نعیم بخاری کے دلائل میں وزن نہیں تھا اور ان سے جو سوال بھی پوچھا جائے انہیں جواب ہی نہیں آتا،آج کورٹ میں پانی وچ مدانی پھیری جا رہی تھی، ہم روز بروز خوشخبری کی جانب بڑھ رہے ہیں۔تفصیلات کے مطابق پانامہ کیس کی سماعت میں وقفے کے بعد میڈیا سے گفتگو کرتے ہوئے دانیال عزیز نے کہا کہ کورٹ میں نعیم بخاری کی ایسی بحالت تھی جیسے مچھلی پانی سے آ گئی ہو اور مریم نواز سے متعلق دلائل میں وہ حواس باختہ ہو گئے۔ نعیم بخاری پیسے ہنڈی کے ذریعے ملک سے باہر جانے کا بھی کوئی جواب نہ دے سکے۔ انہوں نے کہا کہ نعیم بخاری سے جو سوال پوچھا جائے انہیں جواب ہی نہیں آتا اور کورٹ نے یہ بھی کہا کہ آپ سوال نہ اٹھائیں بلکہ جواب بھی دیں، جس دن ہمارے وکلاکو دلائل کا موقع ملا تو سارا کیس واضح کر دیں گے، ہم روز بروز خوشخبری کی جانب بڑھ رہے ہیں ۔دانیال عزیز نے مزید کہا کہ عمران خان یوٹرن ماسٹر ہیں اور ان کا یہ نام کسی وجہ سے رکھا گیا ہے۔ انہوں نے 35 پنکچر کے دعوے کئے تھے وہ سب جھوٹے ثابت ہوئے اور وہ جہاں بھی گئے، انہیں ناکامی کا سامنا کرنا پڑا۔
مسلم لیگ (ن)