دلجیت نے ابوظہبی کی شیخ زید مسجدکے دورے کی ویڈیو قصیدہ بردہ شریف کےساتھ شیئرکردی
ابوظہبی (ڈیلی پاکستان آن لائن )بالی وڈ کے معروف اداکار و گلوکار دلجیت دوسانجھ نے ابوظہبی کی شیخ زید جامع مسجد کے دورے کی ویڈیو قصیدہ بردہ شریف کےسا تھ شیئر کردی۔
دلجیت دوسانجھ نے ابوظہبی کے دورے کے موقع پر شیخ زید جامع مسجد کا دورہ کیا۔
بالی وڈ گلوکار نے مسجد کی طرز تعمیرکا معائنہ کیا اور وہاں پر موجود اپنے مداحوں کے ساتھ سیلفیاں بھی بنوائیں۔
دلجیت دوسانجھ نے شیخ زید جامع مسجد کے اپنے دورے کی ویڈیو سوشل میڈیا پر شیئر کی جس میں خوبصورتی کے ساتھ قصیدہ بردہ شریف کا استعمال کیا گیا ہے۔
ویڈیو کو چند گھنٹوں میں لاکھوں افراد لائیک اور شیئر کرچکے ہیں۔
