شبقدر میں زبانی تکرار پر شوہر نے بیوی اور بیٹے کو قتل کردیا
پشاور(ڈیلی پاکستان آن لائن)شبقدر میں زبانی تکرار پر شوہر نے فائرنگ کرکے اپنی بیوی اور بیٹے کو قتل کردیا۔
نجی ٹی وی چینل ایکسپریس نیوز کے مطابق پولیس کا کہنا ہے کہ شبقدر کے علاقے دلہ زک میں شوہر نے فائرنگ کرکے اپنی بیوی اور 16 سالہ بیٹے کو قتل جبکہ کمسن بیٹی کو زخمی کردیا۔
پولیس کے مطابق دونوں لاشوں اور زخمی بچی کو ٹی ایچ کیو ہسپتال شبقدر منتقل کردیا گیا ہے، واقعے کے بعد ملزم فرار ہوگیا جس کی گرفتاری کے لئے کوششیں جاری ہیں۔
