کسی وجود میں جلتاہو اچراغ ہوں میں| غلام حسین ساجد|

کسی وجود میں جلتاہو اچراغ ہوں میں
سو اس نگر کے اندھیرے پر ایک داغ ہوں میں

تمام شہر میں پھیلی ہوئی ہے نیند مری
فشارِ خواب سے چھلکا ہوا اَیاغ ہوں میں

مجھے مٹانے چلے ہیں جو نقشِ پا کی طرح
انہیں یہ علم نہیں آخری سراغ ہوں میں

رُکا ہوا بھی ہوں اور بھاگ بھی رہا ہوں میں
نظامِ کار کہیں ساعتِ فراغ ہوں میں

بدل سکوں گا نہ اس دشت کی فضا ساجد
کہ موجِ رنگِ بقا ہوں نہ کوئی باغ ہوں میں

شاعر: غلام حسین ساجد

Kisi    Wajood    Men    Jalta   Hua   Charaagh     Hun   Main

So    Iss   Nagar   K   Andhairay   Pe   Aik   Daagh   Hun   Main

Tamaam   Shehr   Men   Phaili   Hui   Hay   Neend   Miri

Fashaar -e-Khaab   Say   Chhalka    Hua   Ayaagh   Hun   Main

Mujhay   Mitaanay   Chalay   Hen   Jo   Naqsh-e-Paa   Ki   Tarah

Unahen   Yeh   Elm  Nahen   Aakhri   Suraagh   Hun   Main

Ruka   Hua   Bhi   Hun     Aor    Bhaag    Bhi   Raha    Hun   Main

Nizaam-e-Kaar   Kahen    Saat-e-Faraagh   Hun   Main

Badall   Sakun   Ga   Na   Iss   Dasht   Ki   Fazaa   SAJID

Keh   Moj-e-Rang -e- Baqaa     Hun   Na   Koi   Baagh   Hun   Main

Poet: Ghulam   Hussain   Sajid