جامشورو: ایم 9 موٹر وے پر گاڑیوں میں تصادم کے بعد آتشزدگی، 3 افراد جاں بحق
جامشورو (ویب ڈیسک) سندھ کے ضلع جامشورو میں ایم نائن موٹر وے پر لونی کوٹ کے قریب 3 گاڑیوں میں تصادم کے نتیجے میں 3 افراد جاں بحق جبکہ 6 زخمی ہوگئے۔
جامشورو پولیس کے مطابق افسوسناک ٹریفک حادثہ جامشورو میں ایم نائن موٹروے لونی کوٹ کے قریب پیش آیا، جہاں 3 گاڑیاں آپس میں ٹکرا گئیں۔
حادثے کے بعد ایک کار میں اچانک آگ بھڑک اٹھی، آگ لگنے کے باعث گاڑی میں سوار افراد باہر نہ نکل سکے اور 3 افراد جھلس کر جاں بحق جبکہ 6 افراد زخمی ہوگئے۔
ریسکیو ذرائع کے مطابق لاشوں اور زخمیوں کو ہسپتال منتقل کردیا گیا جبکہ واقعے کی اطلاع ملتے ہی موٹروے پولیس نے موقع پر پہنچ کر امدادی سرگرمیاں شروع کر دی۔
