ڈپٹی کمانڈنٹ نیشنل ہائی وے اینڈ موٹروے پولیس کا پولیس ٹریننگ کالج چوہنگ لاہور کا دورہ
شیخوپورہ ( ڈاکٹر علی حیدر رضوی ) ڈپٹی کمانڈنٹ نیشنل ہائی وے اینڈ موٹروے پولیس ایس پی رائے امداد اللہ شاہد کھرل نے پولیس ٹریننگ کالج چوہنگ لاہور کا دورہ کیا جس دوران اپنے ہم منصب ایس پی محمود سے ملاقات ہوئی اور پیشہ وارانہ امور پر تبادلہ خیال کیا گیا۔
ایس پی امداد اللہ شاہد نے میڈیا سے دوران گفتگو کرتے ہوئے کہا کہ موٹروے پولیس آئی جی موٹرویز بی اے ناصر کی قیادت میں پولیس ٹریننگ کالج شیخوپورہ کو بہتر سے بہتر بنانے کے لئے پرعزم ہے، اور زیر تربیت افسران کے کورسز کے ساتھ ساتھ جسمانی فٹنس، ذہنی کشیدگی سے بچاؤ اور ایمرجنسی حالات پر قابو پانے کیلئے پاکستان کے نامور سائیکالوجسٹ اور یوگا ماسٹر وغیرہ کو سیمینار میں بطور مہمان بلوا کر پروگرامز کرائے جارہے ہیں۔
