پی ٹی آئی  کیخلاف توہین عدالت کیس ،سیکرٹری داخلہ نے جواب عدالت میں جمع کر ادیا

اسلام آباد(ڈیلی پاکستان آن لائن)پی ٹی آئی احتجاج کے تناظر میں توہین عدالت کیس میں سیکرٹری داخلہ کیپٹن(ر)خرم علی آغاکی جانب سے جواب جمع کرا دیا۔

نجی ٹی وی چینل دنیا نیوز کے مطابق سیکرٹری داخلہ نے جواب میں کہا کہ عدالتی ہدایت کے مطابق کمیٹی تشکیل دی گئی تھی،وزیر داخلہ، سیکرٹری داخلہ، چیف کمشنر، آئی جی کمیٹی کاحصہ تھے،پی ٹی آئی کے چیئرمین بیرسٹر گوہر سے بار بار رابطہ کیا گیا، پی ٹی آئی چیئرمین کو بتایا گیا احتجاج کیلئے نئے قانون کے تحت درخواست دیں،پی ٹی آئی کی جانب سے کوئی درخواست نہیں دی گئی،جواب میں مزید کہا گیا ہے کہ میں بطور سول سرونٹ عدالت کی توہین کا سوچ بھی نہیں سکتا، پی ٹی آئی نے بات کرنے سے انکار کرتے ہوئے ڈی چوک کی جانب پیش قدم جاری رکھی۔