لیگی رہنما کو پھنسانے کیلئے اپنے اغواء و قتل کا ڈرامہ رچانے والا گرفتار
قصور (ڈیلی پاکستان آن لائن) اپنے مبینہ اغوا ءاور قتل کا ڈرامہ رچانے والے شخص کو گرفتار کرلیا گیا ہے۔
ہوا کچھ یوں کہ قصور کے عاصم نامی شخص نے کئی دن غائب رہنے کے بعد جھوٹے قتل کی ویڈیو اہلخانہ کو بھیجی تھی۔
پولیس کا کہنا ہے کہ ملزم عاصم( ن) لیگ کے رہنما رمضان صدیق بھٹی کو پھنسانا چاہتا تھا، مبینہ قتل کی ویڈیو سامنے آنے پر آئی جی نے ملزمان کی گرفتاری کا حکم دیا تھا۔ ڈی پی او کی سربراہی میں مشترکہ ٹیم نے ملزم عاصم جمشید کو گرفتار کیا۔
حکام نے بتایا کہ ملزم عاصم رمضان صدیق کے ساتھ رقم کے فراڈ میں ملوث تھا، ملزم نے اپنے رشتہ دار سے اپنے جعلی قتل کی ویڈیو بنوائی۔
