سٹیج اداکارہ سے 3 افراد کی مبینہ اجتماعی زیادتی ، متاثرہ ہسپتال منتقل 

صادق آباد(آئی این  پی)پنجاب میں سٹیج اداکارہ کے ساتھ افسوسناک واقعہ پیش آگیا۔

ریسکیو حکام کے مطابق سٹیج اداکارہ کو ہسپتال منتقل کر دیا گیا ہے اور متاثرہ خاتون کے ٹیسٹ کیے جارہے ہیں اور علاج جاری ہے۔واقعہ صادق آباد میں پیش آیا جہاں  سٹیج اداکارہ سے 3 افراد نے مبینہ اجتماعی زیادتی کی ہے۔

 خاتون نے الزام عائد کیا کہ ملزمان پارٹی کیلئے ڈیرے پر لے کر گئے اور نشہ آور جوس پلاکر زیادتی کی۔ڈی پی او کا کہنا ہے کہ سٹیج اداکارہ کو پارٹی کے بعد مبینہ زیادتی کا نشانہ بنایا گیا ہے اور حالت خراب ہونے پر ریسکیو ٹیم نے خاتون ہسپتال منتقل کیا ہے۔

ہسپتال میں خاتون کو ابتدائی طبی امداد دی جارہی ہے اور ڈاکٹرز نے معائنے کے بعد کچھ طبی ٹیسٹ کروائے ہیں۔