سٹریٹ چلڈرن ہمارے کل کا چمکتا ہوا سورج ہیں ، معاشرتی ہمدردی کی سب سے زیادہ ضرورت ہے: وزیر اعلیٰ پنجاب
لاہور ( ڈیلی پاکستان آن لائن )وزیراعلیٰ پنجاب مریم نواز نے انٹرنیشنل ڈے فار سٹریٹ چلڈرن پر اپنے پیغام میں کہاہے کہ سٹریٹ چلڈرن ہمارے کل کا چمکتا ہوا سورج ہیں انہیں اندھیروں سے نکال کر روشنی کی طرف لے جانا ہماری ذمہ داری ہے-سٹریٹ چلڈرن کو ریاستی توجہ اور معاشرتی ہمدردی کی سب سے زیادہ ضرورت ہے۔پنجاب کے چلڈرن ہومز میں گھر جیسے محفوظ ماحول اور تعلیم مہیا کر کے بچوں کی صلاحیتوں کو نکھارا جارہا ہے۔پنجاب بھر میں آؤٹ آف سکول بچو ں کی تدریس کے لئے انرولمنٹ کمپین کامیابی سے جاری ہے-انشااللہ پنجاب کی کوئی گلی، سڑک اور کونا ایسا نہ ہو گا جہاں کوئی بھی بچہ بے یارو مددگار، بھوکا یا غیرمحفوظ ہو۔
