قومی ایئر لائن کا 3 روز کے لیے دفاتر بند رکھنے کا اعلان
اسلام آباد (ڈیلی پاکستان آن لائن) قومی ایئر لائن پی آئی اے کے اسلام آباد میں قائم دفاتر 3 دن کے لیے بند رکھنے کا فیصلہ کیا گیا ہے۔
پی آئی اے کی جانب سے جاری سرکلر میں بتایا گیا ہے کہ اسلام آباد میں دفاتر 14 سے 16 اکتوبر تک بند رہیں گے، دفاتر کو شنگھائی تعاون تنظیم کانفرنس کے پیش نظرہدایت پر بند رکھا جائے گا، پی آئی اے سرکلر میں کہا گیا ہے کہ ائیرپورٹ پر شفٹ میں کام کرنے والے پی آئی اے ملازمین کام جاری رکھیں گے۔
خیال رہے کہ شنگھائی تعاون تنظیم کا اجلاس اسلام آباد میں 15 اور 16 اکتوبر کو ہو رہا ہے جس میں مختلف ممالک کے سربراہان شرکت کریں گے۔ایس اسی او اجلاس کے پیش نظر راولپنڈی اور اسلام آباد میں 12 سے 17 اکتوبر کر دفعہ 144 نافذ ہے جس کے تحت کسی قسم کے جلسہ اور احتجاج کرنے پر پابندی عائد ہو گی جبکہ انتظامیہ نے جڑواں شہروں میں تعلیمی ادارے، ریسٹورینٹس، ہاسٹلز اور کیفیز بند رہیں گے۔
