15 پر جھوٹی کال کرکے ڈکیتی کا ڈرامہ رچانے والا ملزم گرفتار لیکن دراصل یہ حرکت کیوں کی؟ پتہ چل گیا
لاہور(ویب ڈیسک) صوبائی دارلحکومت میں پولیس ہیلپ لائن ’15‘ پر ڈکیتی کی جھوٹی کال کرنے والے شخص کو گرفتار کرلیا گیا۔
پولیس حکام کے مطابق اچھرہ کے علاقے میں 15 پر جھوٹی کال کرکے ڈکیتی کا ڈرامہ رچانے والے ملزم عامر کو گرفتار کرلیا گیا۔ایکسپریس کے مطابق ملزم عامر نے مختلف مارکیٹس سے 10 لاکھ رقم کی ریکوری کی تھی۔ رقم کی لالچ میں ملزم نے خود سر پر اینٹ مار کر زخمی کیا اور ڈکیتی کی واردات کا ڈرامہ کیا۔
ابتدائی تحقیقات میں ملزم پولیس کا زیادہ دیر چکمہ نہیں دے سکا اور اعتراف جرم کرلیا۔ ملزم سے مزید تفتیش جاری ہے۔
