بین الاقوامی کریڈٹ ریٹنگ ایجنسی نے پاکستانی معیشت کے حوالے سے خوشخبری سنا دی

اسلام آباد (ڈیلی پاکستان آن لائن )بین الاقوامی کریڈٹ ریٹنگ ایجنسی فچ نے پاکستانی معیشت کی بی مائنس ریٹنگ برقرار رکھتے ہوئے آوٹ لک مستحکم قرار دے دیا ہے۔فچ کی رپورٹ میں کہا گیا ہے کہ بیرونی خدشات میں کمی واقع ہوئی ہے، آئی ایم ایف پروگرام اور پالیسی ایکشن نے معاشی خرابیوں کو دور کیا ہے۔رپورٹ میں کہا گیا ہے کہ ملک میں جاری خسارہ کم ہوا ہے اور زرمبادلہ کے ذخائر بڑھے ہیں۔
فچ کی رپورٹ کے مطابق رواں مالی سال جاری خسارہ جی ڈی پی کے 2.1 فیصد رہنے کے اندازے ہیں، اگلے مالی سال میں جاری خسارہ جی ڈی پی کا 1.9 فیصد رہنے کے اندازے ہیں جبکہ مالی سال 19 میں جاری خسارہ جی ڈی پی کا 4.9 فیصد رہا۔