مستونگ خودکش حملے میں بھارت ، افغانستان اور اسرائیل کی خفیہ ایجنسیوں کے ملوث ہونے کا انکشاف

مستونگ خودکش حملے میں بھارت ، افغانستان اور اسرائیل کی خفیہ ایجنسیوں کے ملوث ...
مستونگ خودکش حملے میں بھارت ، افغانستان اور اسرائیل کی خفیہ ایجنسیوں کے ملوث ہونے کا انکشاف

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

مستونگ (ڈیلی پاکستان آن لائن ) بلوچستان کے ضلع مستونگ میں ڈپٹی چیئرمین سینیٹ مولانا عبدالغفور حیدری کے قافلے پرہونے والے خودکش حملے میں بھارت سمیت دیگر غیر ملکی ایجنسیوں کے ملوث ہونے کا انکشاف ہو اہے۔

چینل 92نیوز کے مطابق مستونگ میں ہونے والے خودکش حملے میں بھارتی خفیہ ایجنسی ”را“، اسرائیلی ایجنسی ”موساد“ اور افغانستان کے خفیہ ادارے ”این ڈی ایس “کے ملوث ہونے کے شواہد ملے ہیں جس کے بعد حساس اداروں نے تحقیقات کا آغاز کر دیا ہے۔

ذرائع کا کہنا ہے کہ حساس اداروں نے خودکش حملے سے قبل او ر بعد کی ٹیلیفونک گفتگو کا ریکارڈ حاصل کر لیا ہے ، خفیہ ایجنسیوں کو بلوچستان میں خودکش حملہ آور کے داخلے کی اطلاعات تھیں جو سی پیک کو متاثر کرنے کیلئے دہشتگردی کر نے کیلئے بھیجا گیا تھا ۔

ذرائع نے مزید انکشاف کیا ہے کہ مستونگ خودکش حملہ سی پیک کو متنازع بنانے کیلئے کیا گیا ہے اور آئندہ چند روز میں اس قسم کے مزید واقعات بھی ہو سکتے ہیں ۔

یاد رہے گزشتہ روز نماز جمعہ کے بعد مستونگ میں مولانا عبدالغفور حیدری کے قافلے پر خودکش حملہ کیا گیا جس کے نتیجے میںانکے ڈرائیور اور پارٹی کارکنوں سمیت 27افراد شہید اور 37زخمی ہوئے تھے جن میں مولانا خود بھی شامل ہیں ۔

مزید : مستونگ /اہم خبریں