ویمنز کوالیفائر ٹیمز کیلئے شاہی قلعہ میں عشائیہ

لاہور (ڈیلی پاکستان آن لائن )پی سی بی کے چیئرمین محسن نقوی کی جانب سے آئی سی سی ویمنز کوالیفائر کی 6 کرکٹ ٹیمز کی کھلاڑیوں اور آفیشلز کے اعزاز میں تقریب کا انعقاد کیا گیا۔
نجی ٹی وی جیو نیوز کے مطابق ویمنز کوالیفائر کی ٹیمز کیلئے اعزازی تقریب کا انعقاد شاہی قلعہ میں کیا گیا جہاں خواتین کھلاڑی شاہی مہمان بنیں جبکہ تقریب میں میزبان پاکستان، بنگلہ دیش، ویسٹ انڈیز، آئرلینڈ، سکاٹ لینڈ اور تھائی لینڈ کی خواتین کھلاڑیوں سمیت کوچنگ اور مینجمنٹ سٹاف نے بھی شرکت کی۔
تقریب کے دوران غیر ملکی خواتین کھلاڑیوں کو شاہی قلعہ، بادشاہی مسجد، مزار اقبال اور حضوری باغ کی سیر کرائی گئی، اس کے علاوہ ٍغیر ملکی خواتین کھلاڑیوں نے رنگیلا رکشہ کی سواری بھی کی۔
اس موقع پر چیئرمین پی سی بی محسن نقوی نے کہا کہ پاکستان پر امن ، محفوظ اور کرکٹ کے کھیل سے محبت کرنے والا ملک ہے، آئی سی سی ویمن کرکٹ ورلڈکپ کوالیفائرز میں شرکت کےلئے آنے والی تمام ٹیموں کا خیر مقدم کرتے ہیں۔