حاجی محمد یوسف خان رند نے باقاعدہ پاکستان تحریک انصاف میں شمولیت اختیار کر لی

اوستہ محمد ( آئی این پی )اوستہ محمد کے سوشل ایکٹویسٹ معروف زمیندار سیاسی و سماجی شخصیت حاجی محمد یوسف خان رند نے مرکزی جنرل سیکرٹری سلمان اکرم راجہ کی قیادت کیساتھ لاہور میں باقاعدہ پاکستان تحریک انصاف میں شمولیت اختیار کر لی۔ 
حاجی محمد یوسف خان رند نے کہا کہ پورے ملک پاکستان تحریک انصاف واحد جماعت اور مشہور ہے جو عوامی مسائل حل کرسکتی ہے ،بانی چیئرمین   کے وژن کو آگے لے کر چلیں گے اور عوامی امنگوں کیساتھ پارٹی کو مزید فعال کرنے کی کوشش کروں گا، اس فارم47والی جعلی حکومت سے کہتے ہیں کہ قیدی نمبر 804کو فوری رہا کیا جائے اور اپنی جعلی حکومت کو ختم کرکے نئے انتخابات کروائے جائیں۔
 اس موقع پر صوبائی جنرل سیکریٹری میر جہانگیر رند صوبائی ڈپٹی جنرل سیکریٹری علی بخش نون نصیرآباد ڈویژن صدر آدم خان رند جنرل سیکریٹری سید بلاول شاہ ڈپٹی جنرل سیکریٹری عبد الجبار منجھو ،صوبائی رہنما انصاف یوتھ ونگ ذوالفقار علی ابڑو، آئی ایل ایف کے رہنما و نائب صدر ڈسٹرکٹ بار ایسوسی ایشن جعفرآباد اورنگزیب خان رند بھی موجود تھے جنہوں نے حاجی میر یوسف خان رند کو پاکستان تحریک انصاف میں شمولیت اختیار کرنے پر مبارکباد دی۔