معاونِ خصوصی راشد نصر اللہ کی وائس چیئرپرسن پنجاب اوورسیز پاکستانیز کمیشن بیرسٹر امجد ملک سے خصوصی ملاقات
لاہور ( ڈیلی پاکستان آن لائن )معاونِ خصوصی وزیر اعلیٰ پنجاب برائے زکوٰۃ و عشر، راشد نصر اللہ نے وائس چیئرپرسن پنجاب اوورسیز پاکستانیز کمیشن بیرسٹر امجد ملک سے خصوصی ملاقات کی۔ وائس چیئرپرسن بیرسٹر امجد ملک نے راشد نصر اللہ کو پنجاب او پی سی کی کارکردگی، شکایات کو حل کرنے کے حوالے سے وضع کردہ میکانزم کےبارے میں آگاہ کیا۔
بیرسٹر امجد ملک کا کہنا تھا کہ اوورسیز پاکستانیوں کے مسائل کو ترجیحی بنیادوں پر حل کرنے کیلئے ہر ممکن اقدامات کیے جائیں گے۔
معاونِ خصوصی وزیر اعلیٰ پنجاب برائے زکوٰۃ و عشر، راشد نصر اللہ کا کہنا تھا کہ اوورسیز پاکستانیوں کی خوشحالی اور مسائل کا حل حکومت کی اولین ترجیح ہے۔ اوورسیز پاکستانیوں کا معیشت میں اہم کردار ہے۔
معاونِ خصوصی وزیر اعلیٰ پنجاب راشد نصر اللہ نے وائس چیئرپرسن پنجاب او پی سی بیرسٹر امجد ملک کی کارکردگی کو سراہا۔ کمشنر پنجاب او پی سی مرزا نصیر عنایت بھی ہمراہ تھے۔
