شاہ رخ خان کی بلاک بسٹر فلم ’’بازیگر‘‘ کا سیکوئل بنانے کی تیاریاں

ممبئی (ڈیلی پاکستان آن لائن) بالی وڈ کی 1993 کی ہٹ تھرلر فلم بازیگر کا سیکوئل بنانے کی منصوبہ بندی ہو رہی ہے، اور پروڈیوسر رتھن جین نے تصدیق کی کہ وہ بازیگر 2 بنانے کا ارادہ رکھتے ہیں۔

بھارتی میڈیا کے مطابق رتھن جین نے بتایا کہ بازیگر 2 کی تیاریوں پر بات چیت جاری ہے اور یہ کہ شاہ رخ خان اس منصوبے کا اہم حصہ ہیں ۔ انہوں نے کہا "ہم شاہ رخ سے بازیگر 2 کے بارے میں بات کرتے رہتے ہیں۔ ابھی تک زیادہ پیش رفت نہیں ہوئی ہے، لیکن یہ فلم ضرور بنے گی۔" انہوں نے کہا کہ ایک دلچسپ خیال موجود ہے، لیکن ایک مضبوط سکرپٹ اور تازہ ہدایتکاری ضروری ہے تاکہ سیکوئل اصلی فلم کی کامیابی کی بلند توقعات پر پورا اتر سکے۔ فلم بازیگر کی ریلیز کو 31 سال مکمل ہوچکے ہیں اور شاہ رخ خان کا اینٹی ہیرو کردار آج بھی لوگوں کے دلوں میں تازہ ہے۔اس فلم میں شاہ رخ کے ساتھ کاجول، شلپا شیٹی، سددھارتھ رائے، راکھی، دلیپ طاہل اور جانی لیور جیسے معروف فنکار شامل تھے۔