پاسپورٹ دفتر کے باہر حادثہ، 2 پولیس اہلکار جان کی بازی ہار گئے
گجرات (ویب ڈیسک) گجرات میں 2 پولیس اہلکار پاسپورٹ دفتر کے باہر ٹریفک حادثے میں جان کی بازی ہار گئے۔
"آج نیوز" کے مطابق دونوں اہلکار گشت پر مامور تھے۔ تیز رفتار مزدا ٹرک ٹائر پھٹنے کے باعث بے قابو ہو کر اہلکاروں کی موٹر سائیکل سے جا ٹکراگیا۔
دونوں اہلکار موقع پر ہی دم توڑ گئے۔ جاں بحق پولیس اہلکاروں کی لاشوں کو ہسپتال منتقل کردیا گیا. پولیس اہلکاروں کی شناخت ذیشان بٹ اور پرویز کے نام سے ہوئی۔
