جاپان میں برڈ فلو، 91ہزار مرغیاں تلف کردی گئیں
ٹوکیو(این این آئی)جاپان میں برڈ فلو وائرس کی تصدیق پر 91 ہزار مرغیوں کو تلف کرنے کا عمل شروع کر دیا گیا۔
غیرملکی خبررساں ادارے کے مطابق مغربی علاقے کاگاوا کے مقامی فارم کی مرغیوں میں برڈ فلو وائرس کی نشاندہی ہوئی جس کے بعد حکام کی جانب سے مرغیوں میں برڈ فلو کا ٹیسٹ کیا گیا جو مثبت آیا۔ جاپان میں موسم سرما میں برڈ فلو کا سامنے آنے والا یہ پہلا کیس ہے۔واضح رہے کہ ملک بھر میں پھیلنے والی اس وباء کے دوران گزشتہ سال مارچ میں ایک اعشاریہ 67 ملین متاثرہ مرغیوں کو تلف کیا گیا تھا۔
