کورونا کے مزید 16 کیسز رپورٹ، 14 مریضوں کی حالت تشویشناک
اسلام آباد (ڈیلی پاکستان آن لائن)ملک بھر میں 24 گھنٹوں کے دوران کورونا کے مزید 16 کیس سامنے آ گئے۔
این آئی ایچ کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 3 ہزار 637 کورونا ٹیسٹ کئے گئے جن میں سے 16 افراد کے کورونا ٹیسٹ مثبت آئے ہیں۔
اس طرح گزشتہ 24 گھنٹوں میں کئے گئے مثبت کورونا ٹیسٹ کی شرح 0.44 فیصد رہی ہے، مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 14 مریضوں کی حالت نازک ہے۔
