دنیا بھر میں دہشتگردی ایکسپورٹ کرنیوالے بھارت کے آرمی چیف نے ناکامیوں کا ملبہ پاکستان پر ڈال دیا

نئی دہلی(آئی این پی)بھارتی آرمی چیف کی جھوٹ سے بھری پریس کانفرنس، دنیا بھر میں دہشت گردی ایکسپورٹ کرنے والے بھارت کے آرمی چیف نے ناکامیوں کا ملبہ پاکستان پر ڈال دیا۔بھارتی آرمی چیف جنرل اوپندرا دویدی نے نئی دہلی میں پریس کانفرنس کی، کشمیریوں کی تحریک آزادی اور جذبہ حریت کچلنے میں ناکامی پر بھارتی فوج کے سربراہ نے غلط بیانی سے کام لینا شروع کر دیا، بھارتی آرمی چیف نے کشمیری حریت پسندوں کو پاکستانی قرار دے دیا۔انڈین آرمی چیف نے مقبوضہ جموں کشمیر میں صورتحال مکمل کنٹرول میں ہونے کا دعوی کیا، مقبوضہ کشمیر میں صورتحال مکمل طور پر کنٹرول میں ہے تو 10 لاکھ بھارتی فوج اور پیراملٹری فورسز وہاں کیا کر رہی ہیں؟مقبوضہ کشمیر میں صورتحال کنٹرول میں ہے تو آئے روز گھر گھر تلاشی، آپریشنز میں کشمیری نوجوانوں کو کیوں قتل کیا جا رہا ہے؟، بھارتی فوج ایل او سی پر جدید ترین اسلحے اور آلات سے لدی چوکس کھڑی ہے تو نام نہاد در اندازی کیسے ہو رہی ہے؟۔بھارتی آرمی چیف نے چین کے ساتھ لائن آف ایکچوئل کنٹرول پر صورتحال جوں کی توں ہونے کا اعتراف کیا، جنرل دویدی نے کہا کہ بھارتی اور چینی افواج کے درمیان اعتماد کا فقدان ہے۔